Mediat italiane kanë publikuar tashmë formacionet e mundshme të Kombëtares së Suedisë dhe Italisë për takimin e sotëm (e premte) të “Play-Off”-it.

Kombëtarja Azurre është mysafire e Suedisë në ndeshjen e parë “Play-Off” për kualifikime në Kupën e Botës “Rusia 2018”.

Ndehsja e parë luhet sot (e premte) në “Friends Arena” me fillim nga ora 20:45, ndërsa ndeshja e kthimit zhvillohet të hënën mbrëma në San Siro të Milanos.

Italia do të vuaj shkaku i katër mungesave të rëndësishme si Simone Zaza, Stephan El Shaarawy, Danilo D’Ambrosio dhe Leonardo Spinazzola.

Kjo ka bërë që trajneri Giampiero Ventura të mendoj për zëvendësimin e tyre, duke inkuadruar disa lojtarë tjerë në rolin e sulmuesit dhe anësorit.

Kështu, në vend të Zazas në sulm do të luaj Andre Belotti, ndërsa vendin e Spinazzolas do ta zë Matteo Darmian.

Në anën tjetër, trajneri i Suedisë ka gjithë futbollistët në dispozicion dhe pritet të startoj me formacionin më të mirë të mundshëm.

Formacioni i mundshëm i Suedisë: Olsen; Krafth, Lindelof, Granqvist, Augustinsson; Claesson, Larsson, Ekdal, Forsberg; Berg, Toivonen

Formacioni i mundshëm i Italisë: Buffon; Barzagli, Bonucci, Chiellini; Candreva, Parolo, De Rossi, Verratti, Darmian; Immobile, Belotti